Беларуска Яна Якубовіч перамагла на чэмпіянаце Еўропы па шашках
Чэмпіёнка Еўропы па шашках-64 яна Якубовіч (у цэнтры) / БДУ
Студэнтка Белдзяржуніверсітэта Яна Якубовіч стала чэмпіёнкай Еўропы па шашках-64 у класічнай праграме сярод жанчын, паведамляе прэс-службы ўніверсітэта.
Якубовіч вучыцца на трэцім курсе факультэта міжнародных адносін БДУ. Дзяўчына з'яўляецца гросмайстрам, дзейнай чэмпіёнкай свету і займае 5-е месца ў сусветным рэйтынгу па рускіх шашках сярод жанчын.
Срэбра заваявала Вера Хвашчынская з Бабруйска, трэцяе месца ў Эмы Саўрас з Гродна.
Чэмпіянат прайшоў 10-19 верасня ў пасёлку Курэмаа (Эстонія). Ён стаў адборачным этапам да чэмпіянату свету 2022 года. У спаборніцтвах удзельнічалі спартоўцы з 13 краін.
