Беларусаў можа не закрануць забарона на атрыманне грамадзянства Літвы
Сейм Літвы / delfi.lt
Беларусаў можа не закрануць забарона на атрыманне грамадзянства Літвы. Адпаведную папраўку ў законапраект унеслі дзевяць дэпутатаў літоўскага Сейма. Для расіян абмежаванне прапануюць пакінуць.
Як распавядала Еўрарадыё, 21 сакавіка парламент Літвы прыняў у першым чытанні законапраект, які абмяжоўвае атрыманне віз, відаў на жыхарства і грамадзянства грамадзянам Беларусі і Расіі. Гэтая мера ўводзіцца ў сувязі з вайной, якую Расія вядзе супраць Украіны і якую падтрымліваюць беларускія ўлады.
У другім чытанні дакумент яшчэ не разглядалі.
Чакаецца, што новаўвядзенне набудзе моц з 15 красавіка 2023-га.
