Беларус зрабіў цацачную мадэль “Града”, якія страляе папяровымі ракетамі (відэа)

Беларус Аляксей Жалнер зрабіў папяровую мадэль рэактыўнай сістэмы залпавага агню “Град”. Сваю распрацоўку ён выклаў на форуме Only paper. Яго цацачны град страляе папяровымі ракетамі на карамельным паліве, а снарады адлятаюць на дзясяткі метраў.

Аўтар шмат гадоў захапляецца стварэннем папяровых мадэляў. Раней ён паказваў працоўныя мадэлі шасці- і васьміцыліндравага рухавікоў.