Беларусь збіраецца прыняць свой пакет санкцый супраць Захаду

Раман Галоўчанка / ТАСС​
Раман Галоўчанка / ТАСС​

Беларусь найбліжэйшымі днямі прыме пакет эканамічных санкцый супраць Захаду, паведамляе БЕЛТА са спасылкай на прэм'ер-міністра Рамана Галоўчанку.

Галоўчанка расказаў, што спіс санкцый будзе дастаткова вялікі.

"Гэта ўжо будуць не так званыя асіметрычныя меры і нефармальныя. Гэта будуць эканамічныя меры ў адказ на тое, якому ціску падвяргаемся мы", — заявіў кіраўнік урада.

Па словах Галоўчанкі, беларускі бок да гэтага некалькі разоў адкладаў прыняцце жорсткіх мер у адказ, бо разлічваў "на разважлівасць іншага боку".

Як паведамляла Еўрарадыё, у чацвер, 2 снежня, новыя санкцыі супраць Беларусі ўвялі Еўрасаюз, ЗША і Вялікабрытанія. У пакет санкцый ЕС уключаныя 10 юрыдычных асоб і 17 фізічных, у пакет санкцый ЗША — 9 фізічных асоб, 12 арганізацый і 3 паветраныя судны, Вялікабрытанія ўвяла санкцыі супраць "Беларуськалія" і 8 грамадзян Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі