Беларусь закрываецца ад расійскай свініны
Беларусь забараніла пастаўкі свініны з Тульскай, Калужскай, Пскоўскай і Маскоўскай абласцей Расіі.
Прычынай называецца далейшы распаўсюд там афрыканскай чумы свіней (АЧС), перадае interfax.by. З названых абласцей Расіі забаронена ўвозіць жывых свіней, свініну, у тым ліку мяса дзікоў, прадукты перапрацоўкі, скурную, рогакапытную і кішэчную сыравіну, шчацінне, паляўнічыя трафеі, кармы. Забарона таксама распаўсюджваецца на ўжыванае абсталяванне для ўтрымання, забою і раздзелкі свіней.
Нагадаем, што ў самой Беларусі летась былі афіцыйна зафіксаваныя тры ачагі свіной чумы — на Гродзеншчыне і Віцебшчыне.
Фота — 112.ua