Беларусь і Расія не атрымалі ад МАК запрашэння на Алімпіяду ў Парыжы
![Сёння кіраўнік МАК Томас Бах афіцыйна запрасіў на Алімпійскія гульні ў Парыжы 204 краіны / pixabay](/sites/default/files/styles/gallery_main/public/2023-07/eiffel-tower-g5ef1b65f6_1920.jpg.webp?itok=1XEqWTTF)
Сёння кіраўнік МАК Томас Бах афіцыйна запрасіў на Алімпійскія гульні ў Парыжы 204 краіны / pixabay
Прэзідэнт Міжнароднага алімпійскага камітэта Томас Бах афіцыйна запрасіў 203 краіны на Алімпійскія гульні, якія пройдуць у наступным годзе ў Парыжы. Беларусі і Расіі ў гэтым спісе няма, піша France24.
Пры гэтым дзверы на Алімпіяду для саміх спартсменаў пакуль не зачыненыя ў выпадку, калі яны будуць выступаць пад нейтральнымі сцягамі. На мінулым тыдні Бах заявіў, што не хоча караць спартоўцаў за дзеянні іх урадаў.
Таксама ён заявіў, што канчатковае рашэнне пра ўдзел Беларусі і Расіі ў Алімпіядзе ў Парыжы наўрад ці будзе прынятае да сесіі МАК у Мумбаі ў кастрычніку гэтага года. Ён адзначыў, што камітэт плануе не спяшацца і хоча быць упэўненым, што робіць правільны выбар.
Акрамя Беларусі і Расіі запрашэнне на Гульні не атрымала таксама Гватэмала. Урад краіны падазраюць ва ўмяшанні ў дзейнасць Нацыянальнага алімпійскага камітэта.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.