Беларусь і міграцыйны крызіс абмяркуюць на саміце Еўрасаюза
Штаб-кватэра ЕС у Брусэлі / EPA
Сітуацыя ў Беларусі і міграцыйны крызіс стане адной з тэм саміту Еўрасаюза, які адбудзецца ў чацвер. Гэтая сустрэча кіраўнікоў дзяржаў і ўрадаў ЕС стане апошняй сёлета.
"Мы таксама вернемся да абмеркавання сітуацыі ў Беларусі і таму, як лепш супрацьстаяць гібрыднаму нападу, запушчанаму беларускім рэжымам", — гаворыцца ў лісце кіраўніка Еўрарады Шарля Мішэля на адрас лідараў 27 краін напярэдадні саміту. Пасланне цытуе ТАСС.
У Брусэлі мяркуюць, што крызіс быў арганізаваны рэжымам Аляксандра Лукашэнкі, каб зрушыць фокус увагі з праблем чалавека ўнутры краіны. Не выключана, што на саміце будуць абмяркоўвацца і новыя санкцыі ў дачыненні да Мінска, адзначае расійскае агенцтва.
Today, there was an empty chair at the #EaP Summit
— Ursula von der Leyen (@vonderleyen) December 15, 2021
I hope that this chair will soon be filled by a democratically elected Belarusian leader.
All Eastern partners unanimously condemn Lukashenko’s behaviour. And we all stand with the Belarusian people. https://t.co/kp1IdbUKoM
На сённяшнім саміце ЕС акрамя беларускай тэмы будуць абмяркоўваць таксама пандэмію, кошты на газ і сітуацыю на расійска-ўкраінскай мяжы.
