Вы тут

Беларусь атрымала 20 мільёнаў долараў з фонду OPEC

Крэдытныя сродкі паступілі ў бюджэт 28 ліпеня / pixabay.com

Беларусь атрымала 20 мільёнаў долараў з Фонду міжнароднага развіцця OPEC. Крэдытныя сродкі паступілі ў бюджэт 28 ліпеня, паведамляе прэс-служба Міністэрства фінансаў нашай краіны. Адзначаецца, што адбылося гэта ў адпаведнасці з умовамі крэдытнага пагаднення, падпісанага яшчэ ў снежні 2020 года.

Сродкі пойдуць на патрэбы сістэмы аховы здароўя, у тым ліку і на барацьбу з COVID-19.

Фонд міжнароднага развіцця OPEC — міжнародны фінансавы інстытут, створаны 45 гадоў таму краінамі-членамі Арганізацыі краін-экспарцёраў нафты.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.