Байдэн у сваёй прамове на віленскім саміце NATO згадаў Беларусь
Джо Байдэн на віленскім саміце NATO / AP
Падчас свайго выступу на саміце NATO у Вільні прэзiдэнт ЗША Джо Байдэн згадаў Беларусь.
"Многія з вас ведаюць, наколькі важна мець магчымасць вызначаць сваю будучыню. Гэта важна для людзей ва ўсім свеце. Не толькі ва Украіне. У Беларусі, Малдове, Грузіі і па ўсім свеце, дзе людзі працягваюць змагацца, каб іх галасы былі пачутыя.
І ніколі, ніколі не здавайцеся, працягвайце змагацца за лепшае заўтра. Абарона свабоды гэта не справа аднаго дня ці года — гэта справа ўсяго жыцця", — заявіў амерыканскі прэзідэнт.
Саміт NATO у Вільні праходзіў 11-12 ліпеня. У некаторых мерапрыемствах саміту прыняла ўдзел лідарка беларускіх дэмакратычных сіл Святлана Ціханоўская.
