G7 і Украіна падпісалі дэкларацыю аб вайсковай дапамозе і гарантыях бяспекі
Падчас віленскага саміту / ELTA
Краіны G7 і Украіна падпісалі дэкларацыю аб вайсковай дапамозе і гарантыях бяспекі. Пра гэта кіраўнікі дзяржаў абвясцілі пасля заканчэння саміту NATO у Вільні, перадае Бі-Бі-Сі.
У гэтым дакуменце краіны "Вялікай сямёркі" ўзялі на сябе абавязак забяспечваць абароназдольнасць і бяспеку Украіны на аснове доўгатэрміновых двухбаковых пагадненняў.
Каментуючы гэтую дэкларацыю, Уладзімір Зяленскі заявіў, што ўкраінская дэлегацыя "вязе дадому важную перамогу ў сферы бяспекі". На яго думку, дэкларацыя дае абсалютна новыя магчымасці гарантый бяспекі Украіны.
