Арына Сабаленка выйшла ў 1/16 фіналу Australian Open
Арына Сабаленка / twitter.com/marioboc17
Беларуская тэнісістка Арына Сабаленка (5-ы нумар рэйтынгу WTA) выйшла ў 1/16 фіналу Australian Open. Турнір праходзіць у Мельбурне.
У матчы 1/32 фіналу наша суайчынніца выйграла ў амерыканкі Шэлбі Роджэрс (51) — 6:3, 6:1.
Напярэдадні ў 1/16 турніру выйшла яшчэ адна беларуска — Вікторыя Азаранка (24), якая перамагла Надзю Падарошка (191) з Аргенціны.
А вось Аляксандра Сасновіч (39) у 1/32 прайграла трэцяй ракетцы свету амерыканцы Джэсіцы Пегула і выбыла з турніру.
