Арына Сабаленка прайграла ў другім крузе Уімблдона
19-гадовая Арына Сабаленка (136 нумар рэйтынгу WTA) прайграла ў другім крузе Уімблдона. Саперніцай беларускі тэнісісткі была Карына Вітхёфт з Нямеччыны — №49 сусветнага рэйтынгу.
У першым сэце Сабаленнка гуляла з немкай нароўных і здолела перавесці гульню ў тай-брэйк, адыграўшы сэт-бол. Але Вітхёфт апынулася больш удачлівай. Тай-брэйк скончыўся з лікам 5:7 не на карысць беларускі.
У другім сэце Сабаленка ўзяла падачу суперніцы і апынулася наперадзе — 3:0, пасля чаго тэнісісткі стабільна гулялі на падачы. Выніковы лік у партыі — 6:3, і роўнасць па сэтах.
А вось у апошняй партыі ў беларускі не заладзілася гульня на сваёй падачы. Карына Вітхёфт зрабіла тры брэйкі і, нягледзячы на адчайныя спробы Арыны адыграцца, усё ж давяла матч да перамогі — 6:7 (5:7), 6:3, 3:6.
Для Арыны Сабаленка гэта быў першы Уімблдон ў кар'еры. Барацьбу на травяных кортах у жаночым адзіночным разрадзе працягвае Вікторыя Азаранка, якая 5 ліпеня перайграла расіянку Алену Весніну. У трэцім крузе экс-першая ракетка свету згуляе амерыканкай Хезер Уотсан.
