Апазіцыянера з Гродна адправілі за краты ў Мінску
Кастрычніцкі суд сталіцы ў сераду асудзіў Вадзіма Цярлецкага на трое сутак адміністрацыйнага арышту.
Яго прызналі вінаватым у "лаянцы і непадпарадкаванні міліцыі". Пасля абвяшчэння прысуду апазіцыянер заявіў Радыё Свабода, што і не чакаў іншага рашэння, але лічыць сябе невінаватым і будзе абскарджваць прысуд.
Нагадаем, Вадзіма Цярлецкага затрымалі 12 лістапада на мінскім чыгуначным вакзале. Ён прыязджаў з Гродна, "каб вырашыць некаторыя пытанні, звязаныя з палітвязнем Мікалаем Аўтуховічам, якому шмат дапамагае".
Фота — svaboda.org
