Анжаліка Борыс напісала першы пост у Facebook пасля вызвалення
![Анжаліка Борыс / https://www.facebook.com/andzelika.borys/](/sites/default/files/styles/gallery_main/public/2023-08/%D0%90%D0%92.jpg.webp?itok=Nwq1OrZs)
Анжаліка Борыс / https://www.facebook.com/andzelika.borys/
Анжаліка Борыс напісала першы пост у Facebook пасля вызвалення з-пад хатняга арышту ў Беларусі. Яна піша, што перажывае за сваіх калегаў, а сярод іх — за палітвязня Анджэя Пачобута.
“Я не хачу нічога каментаваць, таму што жыццё і час усё пракаментуюць самі”, — дадае яна.
Днямі стала вядома, што з Борыс, кіраўніцы непрызнанага ўладамі РБ Саюзу палякаў, былі знятыя абвінавачванні ("за адсутнасцю складу злачынства"). У МЗС Польшчы гэта назвалі "першай за доўгі час пазітыўнай навіной з Мінска". Дыпламаты выказалі надзею, што неўзабаве Анжаліка Борыс зможа наведаць Польшчу.
Анжаліку Борыс, Анджэя Пачобута і яшчэ некалькіх актывістак польскай меншасці затрымалі вясной 2021 года. Усе затрыманыя, акрамя Борыс і Пачобута, пагадзіліся з'ехаць з Беларусі ў Польшчу. Борыс вызвалілі з-пад варты ў сакавіку 2022 года і перавялі пад хатні арышт. Яна жыла ў сваёй маці на Гродзеншчыне.
Анджэй Пачобут быў асуджаны ў Беларусі на 8 гадоў калоніі. Польскі бок гатовы адкрыць пункт пропуску ў Баброўніках у выпадку яго вызвалення.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.