Амерыканскі марпех-адстаўнік расказаў пра службу на... Марсе
Капітан Кэй сцвярджае, што ён ахоўваў на чырвонай планеце пяць даследчых базаў людзей ад непрыязнага мясцовага насельніцтва.
Фантастычную гісторыю амерыканскага вайскоўца пераказала брытанскае выданне Mirror. Мужчына заявіў, што быў адным з камандзіраў сакрэтнага касмічнага флота (нібыта, такі існуе), які падначальваўся шматнацыянальнай арганізацыі "Earth Defense Force" ("Служба абароны Зямлі"). Яго рыхтавалі да гэтай місіі тры гады на сакрэтнай базе на Месяцы — "Lunar Operations Command". На Марсе ён, нібыта, служыў 17 гадоў. Там яму даводзілася сутыкацца не толькі з амерыканцамі, але і з грамадзянамі Кітая і Расіі.
Выданне адзначае, што аповед Кэя фантастычны, аднак не адзіны, ёсць і іншыя падобныя сведчанні.
