Амбасада Беларусі ў Бельгіі абвяргае звесткі пра падпал са свайго сайта
Невядомыя асобы падпалілі амбасаду Беларусі ў Бруселі, паведамляецца на сайце самога прадстаўніцтва. Фота ці відэа пакуль няма.
З гэтай нагоды дыпламаты спынілі прыём па консульскіх пытаннях.
Гэта не першы выпадак з амбасадай у Бельгіі. Год таму яе замазалі чорнай фарбай, а некалькі месяцаў таму — падпалілі яе дзверы і пакінулі надпісы на сценах.
Пазней карыстальнікі заўважылі, што гэта старое паведамленне за жнівень, якое з'явілася пад свежай датай.
Яшчэ праз нейкі час амбасада Беларусі ў Бельгіі абвергла звесткі пра падпал. Тым часам пра яго паспелі напісаць ужо такія інфармагенцтвы, як БЕЛТА і ТАСС. На самім сайце дагэтуль застаецца інфармацыя пра падпал, датаваная 17 лістапада.
