Аляксей Марачкін намаляваў карыкатурны партрэт набеліянткі Святланы Алексіевіч

Аляксей Марачкін намаляваў карыкатурны партрэт набеліянткі Святланы Алексіевіч

Карыкатурны партрэт пісьменніцы Святланы Алексіевіч прадэманстраваў 23 верасня вядомы мастак Алесь Марачкін. Твор, прысвечаны лаўрэатцы Нобелеўскай прэміі па літаратуры, называецца "Nobilis Soveticus".

Бюст пісьменніцы паказаны на фоне мапы Савецкага Саюза. Сама Алексіевіч трымае кнігу, якая называецца па руску "Родная речь". Бюст набеліянткі топча кнігу, на вокладцы якой напісана "Беларуская мова".

Алена Гушча ў сваім акаўнце на фэйсбуку цытуе, як сам Марачкін тлумачыць сваю карціну: "Што гэта за карціна? Да якога жанру аднесці працу? Я і сам губляюся ў вызначэнні: партрэт, шарж, сатыра, карыкатура?.. Тут відавочна маё разуменне публічнай асобы. Асобы, якая ўзвысілася на літаратурным Алімпе, атрымаўшы высокую ўзнагароду, і адносна беларусаў і нашай мовы выказала словы, з якімі я ніколі не пагаджуся. Набеліянтка мае права на сваю думку. Маю і я права выказаць адносіны да ўсяго гэтага. Таму на палатне склаўся такі вобраз. Тлумачыць кожную дэталь не мае сэнсу. ГЭТА МЕТАФАРЫЧНЫ НАДРЭАЛІЗМ, БУФАНАДА, ЦІ, ХУТЧЭЙ, КЛАУНАДА НА СВЯЦЕ ЎСЕАГУЛЬНАЙ АЛІЛУЙШЧЫНЫ, БАРАБАННАГА БОЮ І НАЧНЫХ ПЕТАРД. У гэты феерверк я ўнёс іншую ноту. Некаму гэта будзе не даспадобы, а хтосьці зразумее мяне. Мастацтва там, дзе словам цесна, а думкам — прасторна".

Як вядома, Святлану Алексіевіч раней папракалі за непаважныя выказванні на адрас беларускай мовы. Аднак у сваёй Нобелеўскай прамове пісьменніца гаварыла не толькі па-руску, але і па-беларуску.

Апошнія навіны

Галоўнае

Выбар рэдакцыі