Спявак Аляксандр Саладуха незадаволены выступам беларускіх прадстаўнікоў Uzari & Maimuna на “Еўрабачанні-2015”, якія не здолелі выйсці ў фінал конкурсу.

"Песня ніякая, спяваў ніяк, у Маймуны вочы напалоханыя..., — каментуе Саладуха. — А вось выступ Паліны Гагарынай мяне забіў напавал. Учорашні выступ Юзары і Маймуны непараўнальны з той жа Алёнай Ланской ці Тэа. Вось гэта былі нумары, гэта была падача, гэта былі песні! Ва ўсялякім выпадку, у параўнанні з “Time”".

Тым не менш спявак перакананы, што працягваць удзел у конкурсе “Еўрабачанне” неабходна, бо заўсёды прайграе той, хто не ўдзельнічае.

“Абавязкова знойдзецца той, хто прынясе перамогу нашай краіне, — дадае музыка. — Трэба ў гэта верыць заўсёды і ўсім 10 мільёнам насельніцтва! Але абвінавачваць у пройгрышы не трэба нікога ніколі, проста пакуль, відаць, яшчэ не з’явіліся тыя хлопец, ці дзяўчынка, ці гурт, які пераможа, але калі-небудзь з’явяцца абавязкова! Талентаў у нас у краіне заўсёды хапала”.

Прадстаўнікі Беларусі Uzari & Maimuna не выйшлі ў фінал Еўрабачання

Сябра журы "Еўрабачання": Беларусам трэба зрабіць немагчымае і аўтэнтычнае

Ціхановіч: Uzari & Maimuna слаба адыгралі дуэт, ды і песня...

Фота: Andres Putting (EBU)