Беларускі гісторык раскрыў таямніцу дзіцячага малюнка ў кнізе XVII стагоддзя
![Дзіцячы малюнак у кнізе XVII стагоддзя](/sites/default/files/styles/gallery_main/public/2024-04/mycollages_-_2024-04-27t170601.489.jpg.webp?itok=-6RU73nt)
Дзіцячы малюнак у кнізе XVII стагоддзя / t.me/euroradio
Гісторык Дзяніс Лісейчыкаў раскрыў сакрэт дзіцячага малюнка на старадруку XVII стагоддзя. Яго знайшлі ў кнізе ўніяцкага святара са Старога Лепеля.
Малюнак прадстаўляе невядомага персанажа — ці то паляўнічага, ці то салдаціка. Аказалася, што ў тагачасных дамах была папулярнай кафля з выявай мушкецёра. На думку даследчыка, менавіта яе перанёс малы мастак у бацькаву кнігу.
Дзяніс Лісейчыкаў здолеў выявіць і асобу аўтара — гэта Уладзіслаў (Васіль) Анішкевіч, які ў 1691 годзе ўступіў у ордэн базыльянаў.
— У прынцыпе ўся гэтая інфармацыя з катэгорыі малапатрэбнай, але чамусьці прыемна, — падсумоўвае даследчык.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.