Вы тут

Аляксандр Лукашэнка збіраўся ісці лячыць людзей ад каранавіруса

На нарадзе ў Аляксандра Лукашэнкі / БЕЛТА

Аляксандр Лукашэнка лічыць неабходным зрабіць усё для выратавання жыццяў людзей, у тым ліку пацыентаў з каранавірусам. Пра гэта ён заявіў на нарадзе 7 красавіка.

Кіраўнік дзяржавы заявіў, што сам гатовы дапамагаць лекарам. 

"Калі нешта магу для вас зрабіць, калі ласка, скажыце. Я ўжо міністру казаў: трэба, Уладзімір Сцяпанавіч, — значыць, з табой пойдзем лячыць людзей. Я ўжо гаварыў яму. Ён кажа: пакуль не трэба", — цытуе БЕЛТА словы Лукашэнкі.

Раней беларускі кіраўнік некалькі разоў выказваўся наконт таго, што дапамагае ад каранавіруса: праца на трактары, штодзённая доза алкаголю, саўна, гульня ў хакей і г.д.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.