Аляксандр Глеб можа перайсці ў “Мілан”
Паўабаронца “Барселоны” Аляксандр Глеб, які ў мінулым сезоне выступаў за “Штутгарт” на правах арэнды, можа наступны сезон пачаць у “Мілане”, паведамляе Спорт-Экспресс. Беларускі хаўбэк быў блізкі да пераходу ў шэрагі італьянскага гранда год таму, але ён аддаў перавагу нямецкаму клубу. Зрэшты, агент футбаліста Маўрыцыё Гаўдзіна не можа сказаць нічога канкрэтнага наконт “Мілану”. Вядома толькі, што ў “Барселоне” на Глеба не разлічваюць, бо разглядаюць варыянт яго працаўладкавання ў іншым клубе.
