Адвакаты не ведаюць аб прапанове выпусціць Баўмгертнера пад заклад
Сёння з'явілася неафіцыйная інфармацыя, быццам беларускія ўлады гатовыя выпусціць гендырэктара "Уралкалія" пад заклад у 100 мільёнаў долараў.
Пра гэта паведаміла ананімная крыніца. Тым часам Дзмітрый Гарачка, адвакат Уладзіслава Баўмгертнера, кажа, што нічога не ведае наконт такой прапановы беларускага боку. У каментары РІА "Новости" ён заявіў, што ўпершыню такое чуе.
Нагадаем, што гендырэктар расійскай кампаніі быў затрыманы ў Мінску напрыканцы жніўня. Зараз ён знаходзіцца ў СІЗА КДБ.
