На судзе Баўмгертнера Беларусь выставіць грамадзянскія іскі
Пра гэта паведаміў журналістам 2 кастрычніка генеральны пракурор Аляксандр Канюк.
"Гэтыя іскі пазначаныя. Але заяўленыя яны будуць у судзе, у тым разе калі ён адбудзецца", — перадае БЕЛТА словы генпракурора.
Ад беларускага боку на заяўленне іскаў у судзе над экс-кіраўніком "Уралкалія" могуць быць упаўнаважаныя работнікі Генпракуратуры або Следчага камітэта. На думку Канюка, хутчэй за ўсё, гэта будуць работнікі Генпракуратуры.
Фота: ctv.by
