Адваката Антона Гашынскага пазбавілі ліцэнзіі
Адвакацкай ліцэнзіі пазбаўлены Антон Гашынскі, піша "Наша Ніва".
Ён працаваў у беларускай адвакатуры з 2004 года, з'яўляецца кіруючым партнёрам адвакацкага бюро "Маслаў, Гашынскі і партнёры".
Апошнія месяцы Гашынскі вёў мноства палітычных спраў. Ён абараняў палітолага Віталя Шклярава, журналіста Андрэя Аляксандрава, айцішнікаў кампаніі PandaDoc, аўтара ютуб-канала "Слуцк для жыцця" Уладзіміра Няронскага, расіяніна Ягора Дуднікава, выкладчыцу БДІУР Вольгу Філатчанкаву, абвінавачаную па "справе студэнтаў".
Апошнім часам Гашынскі таксама абараняў інтарэсы расіянкі Сафіі Сапегі, затрыманай разам з Раманам Пратасевічам.
