Адхіленне адвакаткі Наталлі Мацкевіч ад працы звязанае з абаронай Бабарыкі
![Адхіленне адвакаткі Наталлі Мацкевіч ад працы звязанае з абаронай Бабарыкі](/sites/default/files/styles/gallery_main/public/2023-08/mackievicz-1310.jpg.webp?itok=x-aCdtpT)
Адвакатку Наталлю Мацкевіч адхілілі ад працы ў сувязі з абаронай Віктара Бабарыкі. Пра гэта сама юрыстка расказала ў каментары выданню mediazona.by.
Мацкевіч з этычных меркаванняў адмовілася каментаваць падставы для дысцыплінарнай справы. "Магу сказаць, што гэта тычыцца ажыццяўлення мною абароны па справе Віктара Бабарыкі на папярэднім следстве ў чэрвені і ліпені 2020 года і ў адзін з дзён красавіка 2021 у судзе", — патлумачыла яна.
Як паведамляла Еўрарадыё, дысцыплінарную справу супраць Мацкевіч пачало Міністэрства юстыцыі. Яна вяла абарону не толькі Віктара Бабарыкі, але яшчэ Сяргея Ціханоўскага і Мікалая Дзядка, якім прысуды яшчэ не вынеслі. Працуе Мацкевіч у Мінскай гарадской калегіі адвакатаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.