Абрамовіч хоча прадаць "Чэлсі"?

Расійскі мільярдэр Раман Абрамовіч разглядае магчымасць продажу футбольнага клуба "Чэлсі" ў адну з краін Персідскага заліва. Пра гэта паведамляе "Інтэрфакс" са спасылкай на газету "Санды Таймс". Дзеля вывучэння рынку прадстаўнікі Абрамовіча наведалі Саудаўскую Аравію і Дубаі. Прынамсі адна сустрэча адбылася з прадстаўнікамі саудаўскай каралеўскай сям'і. Ці зацікавіла каго-небудзь прапанова купіць клуб, невядома.

Між тым, адзначае выданне, прадстаўнік "Чэлсі" назваў абсалютным глупствам інфармацыю пра тое, што Раман Абрамовіч збіраецца прадаць клуб.