ААН: падчас вайны ва Украіне загінуў 3381 мірны жыхар
![ААН: падчас вайны ва Украіне загінуў 3381 мірны жыхар](/sites/default/files/styles/gallery_main/public/2023-08/bucza-2504.jpg.webp?itok=V8n6atVL)
Ад пачатку вайны ва Украіне загінуў 3381 мірны жыхар, сярод параненых — 7061 цывільная асоба. Пра гэта сведчаць звесткі ААН.
Большасць зарэгістраваных ахвяр сярод грамадзянскага насельніцтва загінулі ад выбухованебяспечнай зброі з шырокай зонай паражэння. Маюцца на ўвазе абстрэлы з цяжкой артылерыі і рэактыўных сістэм залпавага агню, а таксама ракетныя і паветраныя ўдары.
У ААН лічаць, што фактычныя лічбы значна вышэйшыя, бо з месцаў баёў інфармацыя паступае са спазненнем і многія паведамленні патрабуюць пацверджання. Гэта датычыць, напрыклад, Марыупаля (Данецкая вобласць), Ізюма (Харкаўская вобласць) і Папаснай (Луганская вобласць), дзе ёсць паведамленні пра шматлікія ахвяры сярод мірнага насельніцтва.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.