ААН б'е трывогу: мільёны людзей могуць сутыкнуцца з голадам

Уварванне Расіі ва Украіну неўзабаве можа павярнуцца наступствамі на рынку харчавання і выклікаць глабальны крызіс, які можа доўжыцца гадамі.

Генеральны сакратар ААН Антоніу Гутэрыш заявіў, што вайна пагоршыла сітуацыю з харчовай бяспекай ў бяднейшых краінах, цытуе ВВС. Некаторыя з краінаў могуць стукнуцца з працяглым голадам, калі экспарт Украіны не адновіцца да даваеннага роўня.

Канфлікт перапыніў пастаўкі з украінскіх партоў, якія некалі экспартавалі велізарную колькасць алею і збожжавых. Паводле дадзеных ААН, сусветныя цэны на прадукты харчавання выраслі прыкладна на 30%.

Выступаючы ў Нью-Ёрку, Гутэрыш сказаў, што ўварванне Расіі ва Украіну ў спалучэнні з наступствамі змены клімату і пандэміяй “пагражае паставіць дзясяткі мільёнаў людзей на мяжу адсутнасці харчовай бяспекі”.

“Цяпер у нашым свеце досыць ежы, калі мы будзем дзейнічаць разам. Але калі мы не вырашым гэтай праблемы сёння, у найблізкія месяцы нам пагражае глабальная нястача прадуктаў”, — дадаў ён.

Гутэрыш  папярэдзіў, што адзіным эфектыўным выхадам з крызісу з'яўляецца вяртанне аб'ёмаў ўкраінскай вытворчасці прадуктаў харчавання, а таксама ўгнаенняў, што вырабляюцца ў Расіі і ў Беларусі, на сусветны рынак.

Да вайны Украіна лічылася міравой жытніцай і экспартавала праз свае парты 4,5 мільёна тон сельскагаспадарчай прадукцыі ў месяц. Паводле дадзеных ААН цяпер ва Украіне захрасла каля 20 мільёнаў тон збожжа папярэдняга ўраджаю. Калі яго атрымаць, гэта дапаможа вырашыць крызіс на рынку харчавання.