92 тысячы куранят-бройлераў загінулі ў пажары ў Мінскай вобласці
Смалявіцкая бройлерная птушкафабрыка / Yandex
92 тысячы куранят загінулі ў пажары на Смалявіцкай бройлернай птушкафабрыцы ў Мінскай вобласці. Увечары 7 верасня агонь ахапіў аднапавярховы будынак прадпрыемства ў пасёлку Акцябрскі Смалявіцкага раёна.
Паведамленне пра пажар паступіла ў МНС у 22:30. Неўзабаве ратавальнікі прыбылі да абабітага сэндвіч-панэлямі будынка птушніка 2012 года пабудовы.
У выніку пажару знішчаныя клеткі і абсталяванне для ўтрымання птушкі, пашкоджаныя сцены і дах будынка, загінулі 92800 куранят-бройлераў ва ўзросце 16 дзён. Прычына пажару высвятляецца.
