76% турыстаў прыязджае ў Беларусь з краінаў СНД
Найбольш іх цікавяць гарналыжныя комплексы “Сілічы” і “Лагойск”, экскурсіі па Белавежскай пушчы і беларускія санаторыі.
Турысты з краін СНД любяць адпачываць у Міры, Нясвіжы, Мінску, Полацку. Пра гэта са спасылкай на дырэктара дэпартамента па турызме Міністэрства спорту і турызму Вадзіма Кармазіна піша БелТА.
Беларусы таксама не спяць у шапку і любяць паездзіць па суседніх краінах.
"У 2012 годзе 3,8 мільёна беларусаў наведалі краіны СНД з дзелавымі, прыватнымі і турыстычнымі мэтамі. Тут назіраецца рост на ўзроўні 9%", — дадаў Вадзім Кармазін.
Для параўнання, Польшчу ў 2012 годзе беларусы наведалі амаль 4 мільёны разоў. Гэта паводле дадзеных Польскай турыстычнай арганізацыі. Літву — каля 1,3 мільёна разоў, гэта ўжо паводле звестак нашага Мінспорту і турызму.
Фота: photoclub.by.