50 рублёў, выведзеныя з абарачэння, можна прадаць за $2000
Столькі за банкноту рэдкай серыі Дг прапануюць на форуме калекцыянераў.
Купюры 50 рублёў ужо адмянілі і разлічыцца імі ў краме нельга, толькі здаць у банк. Але як аказалася не ўсе банкноты, выведзеныя з абарачэння, варта несці ў банк і здаваць па намінале. Можна пашукаць сярод іх тыя, якія могуць каштаваць вялікіх грошай.
Вядома асноўная маса купюр 50 рублёў каштуе – 50 рублёў, у вельмі добрым стане некаторыя серыі дасягаюць 2-3 даляраў. Але аказалася, што ёсць вельмі рэдкая серыя 50 рублёў 2000 года. Калі нумар вашай банкноты пачынаецца з Дг, то цана яе ў добрым стане можа быць больш за $2000. Дзве тысячы долараў за 50 рублёў выведзеных з абароту, такую інфармацыю паведамляе форум беларускіх калекцыянераў грошай.
На якіх жа яшчэ грошах выведзеных з абарачэння можна зарабіць?
На такіх форумах ёсць прыкладныя кошты, за якія можна прадаць банкноты з аўкцыёну. Вядома такіх грошай, як за рэдкія 50 рублёў ніхто не прапануе, але за некаторыя можна атрымаць больш за 100 долараў.
Так дваццатка 2000 года з серыяй Кг будзе каштаваць каля 300 долараў, а серыя Вп прыкладна 50.
Больш за 100 долараў можа каштаваць банкнота ў 5 рублёў 2000 года з серыяй ЛТ, але гэта ў вельмі добрым стане.
Дзясятку серыі БІ можна прадаць за 25 долараў, а за адзін рубель серыі ГГ або БВ дадуць 6 долараў.
