23 лютага ДАІ Мінска будзе ўручаць падарункі разам са штрафамі
На адным з галоўных праспектаў сталіцы супрацоўнікі Дзяржаўтаінспекцыі будуць лавіць кіроўцаў, якія парушаюць правілы перавозкі дзяцей.
ДАІ ГУУС Мінгарвыканкама 23 лютага будзе праводзіць акцыю "Бацьку на заметку!", паведамляе БелТА. На адным з галоўных праспектаў сталіцы будуць кантраляваць правілы перавозкі дзяцей у аўтамабілях. Разам са штрафам або копіяй пратаколу парушальнікам будуць уручаць падарунак і тлумачыць, што трэба выкарыстоўваць дзіцячыя аўтакрэслы.
Нагадаем, што ў Беларусі з 16 студзеня 2015 года перавозіць дзяцей у аўтамабілі можна толькі на спецыяльных дзіцячых аўтакрэслах.
Фота: zr.ru
