22 ліпеня беларускі рубель умацаваўся адносна ўсіх асноўных валют
Па выніках таргоў, якія прайшлі 22 ліпеня на Беларускай валютна-фондавай біржы, Нацбанк вызначыў новыя курсы валют. Беларускі рубель умацаваўся адносна ўсіх асноўных валют.
Курс долара ЗША знізіўся з 2,0255 да 2,0244 беларускага рубля. Курс еўра зваліўся з 2,2800 да 2,2673 беларускага рубля. Наніз ідзе і курс расійскай валюты: сёння за 100 расійскіх даюць 3,2098 беларускага рубля (у пятніцу — 3,2150).
Курс беларускага рубля да кошыка валют умацаваўся на 0,19%.
