21:24 Іран будзе ставіць ГЭС на Нёмане
У пятніцу Гродна наведала
дэлегацыя бізнесоўцаў з Ірана. У "Гроднаэнерга" паведамілі, што галоўнай тэмай
перамоў з імі стане ўдзел іранцаў у пабудове новай гідраэлектрастанцыі на
Нёмане.
Будоўля мусіць распачацца сёлета і патрабуе каля 22 мільёнаў долараў.
Намеснік галоўнага інжынера “Гроднаэнерга” Віктар Мікуліч кажа, што гродзенскіх
энергетыкаў цікавіць як фінансавы, так і тэхналагічны аспекты патэнцыяльнага
супрацоўніцтва.
Пад ціскам грамадскасці 5 гадоў таму
энергетыкі былі вымушаны кардынальна перарабляць праект ГЭС на Нёмане ў бок
экалагічнасці. Зараз праект патрабуе выкарыстання тэхналогій, аналагаў якіх на
Гродзеншчыне няма.
Зміцер Цімашэвіч, Еўрарадыё, Гродна
