19-гадовы беларус учыніў у Варшаве п'янае ДТЗ з смяротным вынікам

У Варшаве на два месяцы арыштавалі 19-гадовага беларуса, які трапіў у п'янае ДТЗ. Яму пагражае да 8 гадоў за кратамі, піша the-warsaw.com.

Хлопец на "Сеаце" абганяў машыны па правай паласе і збіў 57-гадовага мужчыну, які прыбіраў смецце каля аўтобуснага прыпынку. Той сканаў на месцы. 

28-гадовую пасажырку "Сеата" даставілі ў лякарню ў цяжкім стане. Кіроўца таксама атрымаў траўмы. Алкатэстар паказаў, што ў момант аварыі ён быў нападпітку.