18:32 Лукашэнка наведвае Арабскія Эміраты

У Аб’яднаных Арабскіх Эміратах адбылася сустрэча на вышэйшым узроўні. Прэзідэнт Беларусі Аляксандр Лукашэнка і прэзідэнт Арабскай дзяржавы шэйх Халіфа бен Заід Аль Нахаян абмеркавалі перспектывы развіцця кантракту ў інвестыцыйнай сферы, а таксама магчымасці пашырэння гандлёва-эканамічнага супрацоўніцтва.

Падчас афіцыйнага візіту прэзідэнта Беларусі Аляксандра Лукашэнкі ў Аб'яднаныя Арабскія Эміраты падпісаны шэраг міжурадавых дамоў.

Дамову паміж урадам нашай краіны і ўрадам Эміратаў аб паветраных зносінах падпісалі міністр транспарта і камунікацый Уладзімір Сасноўскі і міністр развіцця дзяржаўнага сектара Султан бэн Сайд аль-Мансуры.

Таксама былі падпісаныя дамовы аб ваенна-тэхнічным супрацоўніцтве і аб супрацоўніцтве паміж Белдзяржуніверсітэтам і Універсітэтам Эміратаў. Быў падпісаны і мемарандум паміж міністэрствамі ўнутраных справаў аб паразуменні і супрацоўніцтве ў сферы бяспекі.

Мэр Мінска Міхаіл Паўлаў і кіраўнік дэпартамента муніцыпалітэтаў і сельскай гаспадаркі Абу-Дабі Джован Салем аль-Дахеры падпісалі дамову аб устанаўленні дружалюбных сувязяў паміж сталіцамі дзвюх краін, паведамляе “Інтэрфакс”.