14:40 У Браславе наведвальнікі музею востраць каменныя сякеры

Унікальная выстава адкрылася ў Браслаўскім музем традыцыйнай культуры.

Яе наведвальнікі могуць не толькі паглядзець экспанаты, якія адлюстроўваюць жыццё нашых далёкіх продкаў, але і уласнаручна навастрыць каменную сякеру, здабыць агонь з дапамогай крэсіва, напісаць некалькі радкоў “пісалам”, змалоць зерне, зляпіць гліняны посуд, паспрабаваць сябе ў іншых рамёствах, якімі займаліся старажытныя людзі.

Выстава падзелена на комплексы: “Паселішча эпохі неаліту”, “Вогнішча жалезнага веку”, “Здабыча рытуальнага агню” і іншыя.

Гэты праект сябры аб’яднання аматараў “жывой археалогіі”, якое дзейнічае пры музеі, марылі здзейсніць на працягу чатырох апошніх гадоў. Выстава будзе працаваць да сярэдзіны лета.


Ядвіга Сташэўская, Еўрарадыё, Віцебск

Апошнія навіны

Галоўнае

Выбар рэдакцыі