11:51 ЗША пашырылі “чорны спіс” беларускіх чыноўнікаў
Злучаныя Штаты ўвялі санкцыі супраць шэрагу беларускіх чыноўнікаў, якія
падазраюцца ў парушэннях падчас правядзення мінулагодніх прэзідэнцкіх выбараў.
У дадатковы спіс патрапілі генеральны пракурор Пётр Міклашэвіч, міністр
адукацыі Аляксандр Радзькоў, міністр інфармацыі Уладзімір Русакевіч, камандзір
палка міліцыі асаблівага прызначэння Юрый Падабед, былы міністр унутраных спраў
Юрый Сівакоў і чыноўнік Мінюсту Алег Сліжэўскі.
Міністэрства фінансаў ЗША
аб’явіла, што іх маёмасць на амерыканскай тэрыторыі заблакіравана, а
грамадзянам гэтай краіны забаронена мець з імі дзелавыя стасункі.
Нагадаем, што
летась Злучаныя Штаты ўжо ўвялі падобныя санкцыі ў адносінах Аляксандра
Лукашэнкі і дзевяці высокапастаўленых чыноўнікаў. Падобныя захады былі зроблены
і Еўрасаюзам.