10:26 Кошты на шэнгенскія візы для беларусаў могуць стаць меншымі
Рональд Пофала, генеральны сакратар кіруючай нямецкай партыі
“Хрысціянска-дэмакратычны саюз”, перакананы, што зборы на адкрыццё шэнгенскіх
візаў для беларусаў неўзабаве будуць паніжаныя.
“Я настойліва выступіў за такое
рашэнне візавага пытання ў Бундэстагу”, — гаворыцца ў лісце генсека ХДС да Аляксандра
Мілінкевіча, які цытуе інфармагенцтва АФН.
Рональд Пофала падкрэсліў таксама,
што развіццё падзей у Беларусі знаходзіцца пад пільнай увагай нямецкага ўрада.
Па яго словах,
сітуацыя ў Беларусі з’яўляецца
заўсёднай тэмай яго гутарак з канцлерам Нямеччыны Ангелай Меркель.