З'явілася відэа з турніру ў падтрымку палітвязня Аляксандра Івуліна
З'явілася відэа з футбольнага турніру ў падтрымку палітвязня Аляксандра Івуліна. Днямі ён прайшоў у польскай сталіцы з удзелам 16 аматарскіх каманд (арганізатар — Беларускі Дом у Варшаве). Першае месца заняла каманда BSSF (у яе складзе былі трэнер Аляксандр Хацкевіч, футбаліст Ілля Шкурын).
"Нашай мэтай было выразіць салідарнасць спартыўнай супольнасці з сумленным журналістам і футбалістам "Крумкачоў", — піша Беларускі фонд спартыўнай салідарнасці. — Гэты турнір — напамін кожнаму беларусу пра яго барацьбу".
У пачатку 2022-га журналіста і футбаліста Аляксандра Івуліна асудзілі на 2 гады калоніі. Ён за кратамі з чэрвеня 2021 года. Беларускія праваабаронцы прызналі яго палітвязнем.
