З'явілася відэа, як паліцэйскія застрэлілі ў Лондане тэрарыстаў
Апублікавана відэа, як паліцэйскія застрэлілі ў Лондане тэрарыстаў. Яно было знята камерай вонкавага назірання. На відэа відаць, як мужчыны з нажамі накідваюцца на прахожых. Неўзабаве пад’язджаюць паліцэйскія аўтамабілі, праваахоўнікі адкрываюць агонь на паражэнне.
Як паведамляла Еўрарадыё, 3 чэрвеня трое тэрарыстаў на грузавіку наехалі на людзей каля Лонданскага моста. Пасля яны з нажамі накідваліся на прахожых. 8 чалавек загінулі, каля паўсотні былі паранены. Усе тэрарысты былі забітыя. Адказнасць за тэракт узяла на сябе тэрарыстычная “Ісламская дзяржава”.
