З'явілася відэа, як "Беркут" страляў па пратэстоўцах у Кіеве
Яно было зроблена 22 студзеня на вуліцы Грушэўскага, дзе адбывалася супрацьстаянне праваахоўнікаў і байцоў "Правага сектару".
На відэа, якое было знятае з-за спінаў "сілавікоў", відаць, як беркутаўцы выкарыстоўваюць стрэльбы. Сайт pravda.com.ua звяртае ўвагу на стрэл, зафіксаваны на 94-й секундзе запісу. Адзначаецца, што гэта быў ніяк не стрэл гумовымі кулямі.
Як вядома, тады на Грушэўскага быў застрэлены беларус Міхаіл Жызнеўскі. У МУС Украіны заявілі, што не выкарыстоўваюць набоі, якімі быў забіты ён і Сяргей Нігаян.
