З'явілася "пакаяльнае" відэа з жонкай палітвязня Дар'яй Лосік
Дар'я Лосік
Сілавікі апублікавалі "пакаяльнае відэа" з Дар'яй Лосік. Яна кажа, што была затрыманая за тое, што 17 красавіка 2022 года дала інтэрв'ю "экстрэмісцкаму" тэлеканалу "Белсат".
Сам тэлеканал быў прызнаны ў Беларусі экстрэмісцкім у лістападзе 2021 года.
Як распавядала Еўрарадыё, да жонкі палітвязня Ігара Лосіка прыйшлі з ператрусам сёння раніцай. Паведамлялася, што Дар'ю затрымалі на трое сутак у рамках крымінальнай справы і "павезлі ў Брэст".
Малалетняя дачка Лосікаў Паўліна засталася з бабуляй і дзядулем.
