Зяленскі прасіў Трампа быць пасярэднікам у перамовах з Маскам
Зяленскі і Трамп / president.gov.ua
Уладзімір Зяленскі папрасіў Дональда Трампа пераканаць Ілана Маска даць дазвол на выкарыстанне Starlink для ўдараў углыб Расіі.
На сустрэчы ў Белым доме Зяленскі заявіў, што пашыраны доступ да Starlink дазволіць Украіне біць па расійскіх пускавых устаноўках, піша The Atlantic са спасылкай на крыніцы. Выкарыстанне спадарожнікавай сувязі для такіх удараў магло б знізіць залежнасць ад дэфіцытных комплексаў Patriot.
Выданне таксама працытавала Дэніса Штылермана, заснавальніка абароннай кампаніі Fire Point. Ён заявіў, што беспілотнікі з сістэмай навядзення Starlink могуць нейтралізаваць расійскую ракетную пагрозу больш эфектыўна, чым ракеты-перахопнікі.
Зяленскі таксама прапаноўваў сустрэцца ўладальніку SpaceX Ілану Маску. Аднак мільярдэр ад сустрэчы з прэзідэнтам Украіны адмовіўся.
Трамп жа ў адказ, па звестках The Atlantic, не сказаў ані "так", ані "не".
