Вы тут

Зяленскі не хоча беларускіх памежнікаў на мяжы Украіны і Расіі: сваіх дастаткова

Аляксандр Лукашэнка і Уладзімір Зяленскі на сустрэчы ў Жытоміры / president.gov.by

Прэзідэнт Украіны Уладзімір Зяленскі адмовіўся ад дапамогі, якую прапаноўваў яму Аляксандр Лукашэнка, піша znaj.ua.

Паведамляецца, што беларускі кіраўнік прапаноўваў памежнікаў, каб узяць пад кантроль мяжу паміж Украінай і Расіяй. 

"Аляксандр Рыгоравіч Лукашэнка, наколькі я ведаю, ён мне гэта казаў, што не першы раз агучваў, што калі вам потым будзе патрэбна дапамога з нагоды колькасці памежнікаў на мяжы Украіны з Расіяй, калі вам трэба будзе браць пад кантроль мяжу, то звяртайцеся, мы абавязкова дапаможам. Я яму падзякаваў, але я думаю, што мы ж незалежная краіна і ў нас хопіць сваіх памежнікаў", — заявіў прэзідэнт Украіны.

Нагадаем, што кіраўнікі Беларусі і Украіны сустракаліся ў Жытоміры 4 кастрычніка. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.