Зваршчыка з Сянна асудзілі за "пікет", праведзены ў міліцыі
"Пагоня" на пашпарце
Вялікі штраф прысудзілі зваршчыку з Сянна Вячаславу Яхнавецкаму за вокладку пашпарта з гербам "Пагоня". Пра гэта піша тэлеграм-канал "Віцебск, я гуляю".
Мужчына дастаў у будынку райаддзела міліцыі пашпарт з вокладкай, на якой быў гістарычны герб "Пагоня". Міліцыянты ацанілі гэта як "пікетаванне без адпаведнага дазволу мясцовых выканаўчых органаў". Участковы ў пратаколе пазначыў, што свой пашпарт з "Пагоняй" Яхнавецкі "дэманстраваў нявызначанаму колу асоб".
Старшыня мясцовага суда Наталля Барысавец аштрафавала яго на 2220 руб.
Яхнавецкі віны не прызнаў.
