ЗША разгортваюць новую вайсковую базу ў Румыніі
Там размесцяцца комплексы супрацьпаветранай абароны.
Гэта адна з дзвюх наземных баз для ракет-перахопнікаў у Еўропе для сістэмы супрацьпаветранай абароны NATO, супраць стварэння якой рэзка выступае Расія. База будзе цалкам гатовая ў 2015 годзе. Яна павінная стаць важным элементам супрацьракетнага шчыта NATO.
На базе будуць размешчаныя радар і ракеты-перахопнікі. Сістэма з'яўляецца ключавым кампанентам амерыканскага плана разгортвання супрацьракетнага "парасона" ў Еўропе. Яшчэ адна база павінная ўступіць у строй у 2018 годзе ў Польшчы, паведамляе ВВС.