ЗША прадаставяць Украіне дапамогу на 13,6 мільярда долараў
Амерыканскі прэзідэнт Джо Байдэн падпісаў закон аб прадастаўленні Украіне ваеннай, гуманітарнай і эканамічнай дапамогі. Яна складзе 13,6 мільярда долараў.
"Гэтым законапраектам мы збіраемся паслаць сігнал амерыканскаму народу —моцны сігнал аб тым, што дэмакраты і рэспубліканцы сапраўды могуць сабрацца разам і нешта зрабіць... каб выканаць нашы самыя асноўныя абавязкі, каб урад заставаўся адкрытым і працаваў для амерыканскага народа, служачы амерыканскаму народу, інвестуючы ў свае супольнасці і інвестуючы ў амерыканскі народ", — цытуе УНІАН словы Байдэна.
Сродкі прызначаюцца для падтрымкі Узброеных Сіл Украіны і на гуманітарную дапамогу грамадзянам, у тым ліку прыкладна 1,5 мільёна ўцекачоў.
