ЗША гатовыя да ўвядзення санкцый супраць Расіі
Пра гэта ў тэлефоннай размове з Уладзімірам Пуціным паведаміў прэзідэнт ЗША Барак Абама.
Ён таксама адзначыў, што Злучаныя Штаты не збіраюцца прызнаваць вынікі рэферэндуму ў Крыме, перадае РБК са спасылкай на прэс-службу Белага Дома. Прэзідэнт ЗША падкрэсліў, што дзеянні Расіі ў Крыме з'яўляюцца парушэннем суверэнітэту Украіны.
Пры гэтым Абама паведаміў, што дагэтуль захоўваецца магчымасць дыпламатычнага вырашэння канфлікту. Неабходнай умовай для гэтага ён назваў "спыніць уварванне расійскіх узброеных сілаў у Крым".
Фота — Telegraf-EPA
