ЗША абяцаюць новыя санкцыі супраць уладаў Беларусі
ЗША абяцаюць новыя санкцыі супраць уладаў Беларусі. "ЕС ідзе на адзін крок наперадзе, увёўшы сектаральныя санкцыі супраць беларускай эканомікі і тых сфер, ад якіх залежыць Лукашэнка, — заявіла намеснік дзяржсакратара ЗША Вікторыя Нуланд. — Мы паспрабуем зраўняцца ў гэтым".
ЕС ухваліў сектаральныя эканамічныя санкцыі супраць уладаў Беларусі 24 чэрвеня. Яны закранаюць нафтаперапрацоўку, экспарт калійных ўгнаенняў, банкаўскую сферу, тытунёвы бізнес і г. д. Раней рашэнне Еўрасаюза прывітаў дзяржсакратар ЗША Энтані Блінкен.
